Curso gratuíto de horticultura e floricultura

Curso gratuíto de horticultura e floricultura

A horta é un sector con potencial de crecemento en Galicia

O Centro de Promoción Rural Efa Fonteboa de Coristanco organiza un curso gratuíto de horticultura e floricultura. O curso está dirixido a persoas desempregadas e permite obter o Certificado de Profesionalidade.

O curso comezará o día 2 de outubro e ten unha duración de 600 horas, en horario de 10:00 a 14:00 horas. Repartirase en 260 horas de formación teórica, 340 horas de formación práctica e 40 horas de prácticas en empresas.

As persoas que o realicen aprenderán a realizar labores de preparación do terreo, sementeira e transplantes de cultivos, realización de operacións de transporte e almacenamento, control de pragas e manexo e mantemento de
maquinaria…

Os obxectivos son favorecer o autoemprego na horticultura e adquirir unha cualificación profesional para o emprego por conta allea.

Para a inscrición dirixirse as Oficinas de Emprego ou ao Centro de Promoción Rural – EFA Fonteboa, no teléfono 981 733 051

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información