Cuestionan que durante o estado de alarma se multase a persoas que mercaban en granxas

O Sindicato Labrego considera que a normativa penalizou a consumidores e explotacións, pois ten constancia de polo menos unha proposta de sanción a unha persoa que se dirixía a comprar a un produtor local

Publicidade
Cuestionan que durante o estado de alarma se multase a persoas que mercaban en granxas

O estado de alarma provocou a suspensión de mercados locais e dificultou a venda directa nas explotacións.

Durante o estado de alarma, unha das actividades permitidas era o abastecemento de alimentos e produtos de primeira necesidade, pero a normativa aplicouse de xeito perxudicial para consumidores e produtores, segundo cuestiona o Sindicato Labrego. A organización agraria tivo coñecemento estes días dunha proposta de sanción a un consumidor que se dirixía a facer acopio de alimentos nunha granxa local, ubicada a 7 quilómetros da súa vivenda.

A proposta de sanción vén motivada porque a normativa impuña que os desprazamentos debían facerse á menor distancia necesaria, pero a organización agraria entende que esa disposición hai que interpretala en función das circunstancias concretas. Para o Sindicato Labrego non é entendible que se sancione a consumidores que xa viñan apostando pola compra directa, obrigándoos no seu lugar a acudir a establecementos pechados con aglomeracións de xente.

Por ese motivo, a organización vén de solicitar unha entrevista co Delegado do Goberno, ó que lle pedirá que se anulen as multas a persoas que lle mercaban de xeito directo a produtores locais, “pois trátase de situacións nas que non puñan en absoluto en risco a saúde pública”.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información