A cooperativa DELAGRO presenta a súa nova solución para mellorar a hixiene no muxido en granxas con robot

black and white spotted cow being milked by milking robot on farm in the netherlands

DELAGRO S. Coop., cooperativa de segundo grao con presenza en toda Galicia e a Cornixa Cantábrica, anunciou o lanzamento de MEPA, o seu novo produto de hixiene para sistemas de muxido robotizado, desenvolvido en colaboración con Ecolab, referente mundial en solucións agroquímicas.

Paco Ansede, responsable de Hixiene do Muxido de DELAGRO, resalta a importancia desta innovación: “A robotización nas granxas xa non é unha tendencia senón unha realidade que está a transformar a industria gandeira. A chegada de MEPA ao mercado permitirá asegurar unha correcta hixiene do vacún leiteiro nas granxas robotizadas“, explica.

Os sistemas de muxido robotizado convertéronse en ferramentas clave para mellorar a eficiencia e produtividade das explotacións gandeiras. A automatización permite reducir os tempos de traballo e mellorar a consistencia do muxido. Porén, esta evolución tamén expón novos retos, como garantir unha correcta hixiene dos animais.

O poder desinfectante de MEPA, en forma de ácido láctico, xunto coas propiedades limpadoras e de coidado da pel do produto, proporcionan unha excelente limpeza dos ubres. Ademais, MEPA é compatible cos robots das principais marcas do mercado, entre elas Lely.

Ansede subliña: “MEPA é o resultado dun traballo conxunto con Ecolab, unha empresa con gran experiencia no desenvolvemento de solucións agroquímicas. Grazas a esta colaboración, deseñamos un produto que non só responde ás demandas do sector gandeiro actual, senón que tamén se anticipa ás necesidades futuras das granxas máis avanzadas tecnoloxicamente. En DELAGRO, o noso compromiso coa innovación é esencial para seguir ofrecendo solucións que melloren a eficiencia dos nosos socios e clientes”.

MEPA, que xa está dispoñible en todos os puntos de distribución de DELAGRO, preséntase en formatos que van desde o 20 Kg até o 1.000 Kg, permitindo a súa adaptación tanto a pequenas granxas familiares como a grandes explotacións industriais.

Como parte do seu lanzamento, deseñouse tamén unha oferta especial que facilitará o acceso aos gandeiros a esta nova innovación en hixiene de muxido.