Conferencia sobre as vantaxes de utilizar madeira certificada na construción

Conferencia sobre as vantaxes de utilizar madeira certificada na construción

Establo en Alemaña construído en madeira

Este mércores 29 de abril, de 13 a 14 horas, Gonzalo Anguita, director executivo de FSC España, participa en “A hora de GBCe”, un webinar técnico sobre as vantaxes de utilizar madeira certificada nas edificacións sustentables.

Para participar nesta actividade e poder interactuar no chat, mesmo propondo preguntas, tan só cómpre conectarse a través desta ligazón gratuíta: https://bit.ly/2XURJ65

Na súa conferencia Gonzalo Anguita, tamén membro da Xunta Directiva de GBCe, explicará que é FSC e que achega ao sector da edificación o utilizar madeira certificada por este selo. Nese sentido, presentará o proxecto “Have a Wood Day”, que permitiu editar, en colaboración co Ministerio de Agricultura, Pesca e Alimentación dúas importantes publicacións de acceso libre:

-En madera, otra forma de construir

-En madera, otra forma de vivir

Falsos mitos sobre a madeira ante o lume ou a auga, vantaxes de empregar este material para o confort, a sustentabilidade, a loita contra a crise climática e para o mantemento dos bosques, certificacións de proxectos e dos servizos ecosistémicos do bosque serán temas que trate o director executivo de FSC España.

Despois do relatorio de Anguita intervirá Alfons Ventura, arquitecto, consultor especialista en economía circular e arquitectura sustentable, igualmente membro da Xunta Directiva do GBCe. Este experto explicará o uso da madeira certificada nun exemplo concreto, a construción da escola Imagine Montessori School de Valencia.

O GBCe ou Consello para a Edificación Sustentable de España é unha organización autónoma afiliada á Asociación Internacional World Green Building Council, da cal constitúe o Consello Español.

Sobre FSC España

FSC España (https://es.fsc.org) é a oficina española do Forest Stewardship Council, organización internacional que certificou máis de 210 millóns de hectáreas de bosques en 90 países, a partir dun modelo de xestión forestal ambientalmente responsable, socialmente beneficioso e economicamente viable.

O número de bosques certificados en España co selo FSC medrou nos últimos cinco anos a un ritmo do 12 por cento anual en superficie e dun 15% en certificados de cadea de custodia (CdC). En total hai máis de 313.000 hectáreas de bosque español certificado FSC e 1.100 certificados de cadea de custodia.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información