A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Carmen Lence: “Dúas de cada tres persoas que abandonan o mundo rural son mulleres”

A CEO do Grupo Leite Río foi a primeira invitada presencial dos Encontros-Coloquio da Federación Española de Mulleres Directivas, Executivas, Profesionais e Empresarias (FEDEPE), onde destacou a importante presenza feminina en postos de responsabilidade tanto en Leyma como en Leite Río

Carmen Lence, durante el encuentro organizado por la La Federación Española de Mujeres Directivas, Ejecutivas, Profesionales y Empresarias (FEDEPE)

Carmen Lence, durante o encontro organizado pola Federación Española de Mulleres Directivas, Executivas, Profesionais e Empresarias (FEDEPE)

A Federación Española de Mulleres Directivas, Executivas, Profesionais e Empresarias (FEDEPE) recuperou este luns os seus Encontros-Coloquio FEDEPE presenciais, por primeira vez desde o inicio da pandemia, con Carmen Lence, CEO do Grupo Leite Río, sexta empresa española en comercialización de leite UHT, como convidada.

Carmen Lence lamentou que “dúas de cada tres persoas que abandonan o mundo rural son mulleres” e defendeu o seu compromiso coas mulleres do rural galego. “Están a quedarse sen servizos e ademais de traballar nas explotacións familiares, soportan a carga doméstica”, dixo.

Comprometida coa igualdade e o liderado feminino tanto no mundo da empresa como á fronte das ganderías, Carmen Lence quixo poñer en valor o programa piloto de Leite Río para axudar a 20 mulleres gandeiras a gañar en empoderamento, autoestima e poder de decisión nas explotacións das que forman parte. “Hai que traballar xuntas para que cada día esteamos máis preto da igualdade de xénero”, defendeu.

A fenda salarial no noso caso é positiva porque hai máis mulleres en postos de calidade e administración que en postos de operario e loxística

En canto á situación laboral das mulleres no Grupo Leite Río, Lence asegurou que “a fenda salarial no noso caso é positiva porque hai máis mulleres en postos de calidade e administración que en postos de operario e loxística”.

Crear valor no sector lácteo galego

Durante a súa intervención, Carmen Lence, única muller á fronte dunha empresa láctea entre as sete máis importantes de España e gañadora este ano en Galicia do Premio Muller Empresaria CaixaBank 2021 pola súa “visión estratéxica, capacidade de innovación e liderado transformador” , lembrou o consello que lle daba o seu pai, Jesús Lence, (“non te preocupes, ocúpate”), para explicar a decisión que ela tomou hai máis de dous anos de asumir o relevo “dun emprendedor cun estilo personalista e cunha maneira de xestionar onde a intuición era un compoñente importante”, cambiando a maneira de traballar da empresa e rodeándose dun equipo directivo profesional.

Nestes momentos de crise no sector lácteo debemos colaborar co gandeiro con programas que lles axuden a ser empresarios máis efectivos

En relación ao papel das industrias lácteas como Leyma e Leite Río, defendeu que “hai que manter o que eu chamo axenda grande, é dicir, ser rendible, sostible e crear valor”, sinalando que, nestes momentos de crise no sector lácteo, “debemos colaborar co gandeiro con programas que lles axuden a ser empresarios máis efectivos”.

Deixa unha resposta

O teu enderezo electrónico non se publicará Os campos obrigatorios están marcados con *