A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Campaña de Xenética Fontao cos Africores: máxima oferta de touros e criterios de mellora á carta

A sociedade pública ofrece máis de 200.000 doses de seme bovino para as explotacións galegas en control leiteiro, con posibilidade de selección polos trazos máis importantes demandados na actualidade, tanto productivos, como morfolóxicos ou funcionais

Campaña de Xenética Fontao cos Africores: máxima oferta de touros e criterios de mellora á carta

Milord, de Xenética Fontao, é o touro número 1 en España por GICO.

Xenética Fontao, S.A. aprovisionará de doses de seme bovino ás máis de 2.400 explotacións incluídas nos programas de control leiteiro oficial de Galicia, o que ven a supoñer entorno ao 45-50% do material de reprodución que precisan as explotacións en control leiteiro, a prezos sostibles.

Nesta Campaña anual que desenvolverá neste mes de xaneiro e parte de febreiro, póñense a disposición das explotacións gandeiras en control leiteiro unha relevante cantidade de doses de seme convencional e sexado para atender a reprodución dunhas 192.000 reprodutoras bovinas coa maior calidade e o mellor prezo posible. Ademais facilítanse sen custo en torno a 80.000 doses de seme convencional.

Este ano haberá maior número de touros: 26 en seme convencional e 22 en sexado

“Xunto coas AFRICOR estamos desenvolvendo a campaña conxunta de aprovisionamento de doses seminais convencionais e sexadas para as ganderías do control leiteiro. Este ano co maior número de touros dos últimos anos, maior que en todas as campañas anteriores, poñemos a dispor do sector 26 touros para seme convencional e 22 para seme sexado”, destacan desde Xenética Fontao.

Sexado

Esta campaña de subministro realízase todos os anos no mes de xaneiro e pon a disposición das ganderías en control leiteiro oficial “material reprodutivo de primeira calidade a prezos moi competitivos, cun desconto do 40%-50% sobre o prezo final de venda ao público no caso das doses con prezo”, explican.

Xenética Fontao é consciente de que o uso de seme sexado de touros con xenética de elite é unha parte fundamental do progreso xenético na actualidade, polo que, como en campañas anteriores, gran parte dos touros incluídos ofrécense con seme sexado.

Sementais da campaña 2025

A campaña de seme XF-Africores para este ano 2025 reúne aos mellores touros do panorama nacional polos trazos máis importantes empregados na actualidade na selección xenética da raza frisona:

  • Produtivo: kg de leite, graxa e proteína
  • Morfolóxico: de tipo xeral, con especial atención a ubres e patas
  • Funcional ou de saúde: reconto de células somáticas, facilidade de parto, fertilidade da vaca e velocidade de muxido.

O mellor de todos, MILORD, é un touro de Xenética Fontao (XF), que encabeza a lista GICO española, é o mellor touro novo actualmente no noso país, destacando sobre todo nos trazos produtivos que transmite (kg de leite, graxa e proteína), sendo ademais do líder absoluto (nº 1 GICO), o mellor touro español por kg de graxa (nº 1 kg de graxa).

Preto de trinta touros máis acompañan a MILORD na oferta de seme XF para 2025, conformando a mellor oferta posible da elite xenética a nivel nacional con touros como STROFA (No 2 GICO), FEITIZO (No 4 GICO), GABEIRAS (No. 1 TIPO), MILLENNIAL, RHYTHM, RIPLEY, GABRIELLE, SHEIN RED, ROMAN, POWERMATE e un longo etc..

Os mellores touros a nivel nacional para que o criador elixa segundo as súas necesidades ou prioridades en canto aos trazos de selección a mellorar no seu gando:

  • Por Kg. de leite: MILORD, FEITIZO, MILENIAL ou CAMBRE.
  • Para calidades de graxa e proteína: RITMO, RIPLEY, SUNDOWNER ou ROMAN.
  • Por trazos de tipo: ULOKA, SPERMINATOR, DINAMITA, PEPIN ou TONY P.
  • Ou touros que destacan polo balance xeral da súa proba: STROFA, POZOBLANCO, GABEIRAS, GABINET, SHOP, PLATINUM ou TIFFANY, entre outros.

Destaca tamén a oferta de touros portadores de xenes especiais, moi demandados polo sector na actualidade, como o carácter acorne (TONY P, CHEWAKA P ou SUMA P), a cor de pelaxe vermella (SHEIN RED, GABANA RED, PREMIO, RED ou MIX RED) ou o xenotipo A2A2 para caseínas, que son transmitidas por case o 80% dos touros incluídos na oferta.

Gigaball

A oferta da campaña de seme 2025 tamén inclúe o touro probado GIGABALL, moi coñecido no sector por ser xa un superventas na súa etapa xenómica e agora, catro anos despois, e con centos de fillas en produción, ocupa o segundo posto nos touros probados tanto en España como en Holanda.

 As fillas de GIGABALL destacan pola súa corrección morfolóxica xeral con moi boa produción de leite e excelentes calidades graxas e proteicas. A opción GIGABALL está dirixida a aqueles criadores que prefiren priorizar a fiabilidade ou seguridade dos touros probados fronte ás figuras “estratosféricas” dos touros novos, que agora denominamos “xenómicas”.

Máis información

Deixa unha resposta

O teu enderezo electrónico non se publicará Os campos obrigatorios están marcados con *