Galego
BASF marcouse obxectivos claros e medibles para impulsar a gricultura sustentable até o 2030. Centrándose nos principais factores que farán a agricultura máis sustentable e que contribuirán a satisfacer as necesidades máis urxentes da sociedade, a empresa axudará aos agricultores a lograr unha redución do 30% nas emisións de CO 2 por tonelada de colleita producida.
A división incrementará así mesmo nun 7 % anual a cota de vendas das solucións que contribúen de forma importante á sustentabilidade ao longo de toda a cadea de valor. Ademais, BASF quere levar as tecnoloxías dixitais a máis de 400 millóns de hectáreas de terras agrícolas e acompañará a venda dos seus produtos co asesoramento adecuado para que se utilicen de forma segura. Estes novos obxectivos reforzarán a implementación da estratexia de BASF para a agricultura, lanzada en 2019.
“A agricultura é fundamental para o benestar a nivel mundial. Nas próximas décadas o sistema de produción agrícola que coñecemos experimentará unha transformación acelerada para poder proporcionar alimentos saudables e alcanzables a unha poboación crecente. Ao mesmo tempo, necesitaremos mitigar o impacto que a agricultura ten no noso planeta. Esta transformación está impulsada pola necesidade de obter mellores e maiores colleitas, producidas adicionalmente a través de prácticas que a sociedade recoñeza como valiosas, respectuosas co planeta e que sexan rendibles para os agricultores”, declarou Vincent Gros, Presidente da División de Solucións Agrícolas de BASF.
Comentando sobre como se traducen os novos compromisos globais de BASF dentro do panorama agrícola europeo, Livio Tedeschi, Responsable da División de Solucións Agrícolas de BASF en Europa, Oriente Medio e África declarou: “Un sistema alimentario máis saudable e máis sustentable é un alicerce fundamental do Pacto Verde europeo. Aínda que a folla de ruta e os obxectivos da estratexia Da granxa á mesa e da estratexia sobre a sustentabilidade están aínda en fase de definición, a dirección da viaxe é clara: aos agricultores europeos esíxeselles seguir optimizando os recursos, contribuír a incrementar a biodiversidade e mitigar o cambio climático, cunha énfase especial nunha maior dixitalización e na agricultura biolóxica”.
Agricultura respectuosa co clima
BASF axudará aos agricultores a reducir as emisións de carbono e a ser máis flexibles fronte a condicións climáticas volátiles a través de tecnoloxías que incrementen a produción, fagan máis eficiente a xestión das explotacións e reduzan o impacto ambiental.
Ao mesmo tempo, a empresa está a estudar como incentivar a eficiencia nas emisións de CO 2 e está a explorar novos fluxos de valor para os agricultores. Entre os produtos e solucións que axudarán a lograr unha redución do 30% nas emisións de CO 2 por tonelada de colleita producida atópanse as variedades de cultivos con alto rendemento, resilientes ao clima e resistentes á estrés que poden reducir os impactos ecolóxicos e incrementar a rendibilidade das explotacións nunha contorna agrícola esixente. As variedades de trigo híbrido , por exemplo, traduciranse nun aumento importante da produción e mellorarán a calidade do gran.
Solucións sustentables
É obxectivo de BASF incrementar cada ano o número de solucións sustentables que ofrece aos agricultores. Por esa razón a compañía segue investindo fortemente na investigación , que se rexe sistematicamente por criterios de sustentabilidade. Na liña de desenvolvemento de BASF atópanse solucións que apoian o uso eficiente dos recursos e reducen a pegada ambiental.
Como, por exemplo, as solucións baseadas no fungicida Revysol ®, que logran incrementar as producións de trigo nun 4% nas explotacións existentes, permitindo así aos agricultores protexer as áreas naturais que, pola contra, deberían converterse en terras para uso agrícola para a obtención de tal incremento da produción.
Outro exemplo son as solucións biolóxicas como as feromonas RAK® , que alteran o apareamento dalgunhas polillas protexendo as plantas ao longo do seu ciclo natural e que se empregan como complementos biolóxicos aos produtos de orixe química para a protección de cultivos.
Adicionalmente, BASF avalía toda a súa carteira de produtos fronte a criterios de sustentabilidade claramente definidos e validados por terceiros, utilizando o método Sustainable Solution Steering (Xestión de solucións sustentables). A División de Solucións Agrícolas contribuirá de forma importante ao obxectivo de vendas do Grupo BASF de 22.000 millóns de euros de vendas para 2025 grazas aos seus produtos aceleradores, que supoñen unha contribución substancial á sustentabilidade na cadea de valor.
Así mesmo, a División de Solucións Agrícolas, ten o obxectivo de incrementar nun 7 % as vendas dos produtos que teñen unha contribución importante á sustentabilidade.
Agricultura dixital
A dixitalización pode facer que a agricultura sexa máis inclusiva, sustentable e eficiente á hora de empregar recursos. Por esta razón BASF ofrecerá aos agricultores ferramentas dixitais que lles axuden a aumentar a rendibilidade dos seus negocios mentres reducen a súa pegada ambiental. A utilización de tecnoloxías dixitais permite aos agricultores producir máis con menos e aumentar a eficiencia dos procesos agrícolas, desde a monitorización do campo até a cadea de subministración de alimentos.
As solucións para a gricultura dixital xarvio de BASF permiten unha aplicación máis precisa dos produtos para a protección dos cultivos, xestionar os nutrientes, zonas de protección automatizadas e o monitoreo da biodiversidade. Ademais, as ferramentas dixitais teñen a capacidade de chegar a un gran número de agricultores, incluíndo a aqueles que se atopan en países menos desenvolvidos, impulsando así o coñecemento e a importancia da sustentabilidade nas explotacións. BASF comprométese a levar as tecnoloxías dixitais a máis de 400 millóns de hectáreas de terras para uso agrícola para o ano 2030.
Uso intelixente
BASF tómase moi en serio o seu compromiso coa saúde humana e o medio ambiente e quere garantir o uso seguro dos seus produtos fose e dentro do campo. Por iso ofrece asesoramento sobre o manexo adecuado de cada un deles. A empresa proporciona acceso a ferramentas e servizos de asesoramento e xestión personalizados para o traballo diario de cada agricultor.
Estes inclúen equipos de protección, formación personalizada, solucións dixitais e novas tecnoloxías de aplicación orientadas ao futuro.
O sistema de transferencia pechado easyconnect, por exemplo, foi desenvolvido en colaboración con outras empresas produtoras e introducirase nos primeiros mercados da man de partners clave do sector agrícola a partir do 2 021/22.
