Baixada dos becerros de recría de Frisona e suba dos de cruce industrial

Nas mesas de prezos acordouse manter as cotizacións do porco cebado e dos ovos. Os leitóns soben un 2%. Cotizacións da Central Agropecuaria de Galicia do 15 de decembro

Baixada dos becerros de recría de Frisona e suba dos de cruce industrial

As cotizacións deste martes da Central Agropecuaria de Galicia, en Silleda, caracterizáronse por la caída nos prezos dos becerros de recría de Frisona e a suba dos de Cruce industrial.

Deste xeito, nos xatos de Frisona, os machos de menos de 20 días pagáronse a unha media de 64 euros, fronte aos 90 do pasado martes. Nos de 21 a 50 días, a categoría máis numerosa, houbo tamén baixada de prezos, pero menor: unha media de 98 euros por xato, fronte aos 102 da semana pasada. Onde si se notou máis a baixada foi nos becerros de máis de 51 días: 113 euros por animal fronte aos 143 do pasado martes.

Pola contra, nos tenreiros de recría de Cruce industrial a tendencia foi á alza: os machos de menos de 20 días pagáronse a unha media de 325 euros, mentres que os de 21 a 50 días -a categoría máis numerosa-, cotizáronse a 399 e a 448 euros os de máis de 51. A pasada semana os prezos foron de 302, 380 e 455 €, respectivamente.

No vacún maior os prezos medios mantivéronse estables cunha lixeira baixada: 1.059 euros de media en categoría primeira, 711 en segunda e 427 nas de desvelle. A pasada semana as cotizacións foron de 1.120, 717 e 430 euros, respectivamente.

As cotizacións quedaron do seguinte xeito:

COTIZACIONS_VACUN_SILLEDA_15_12_15

Ovos sen cambios e coello á baixa

Polo que respecta ás mesas de prezos, nos ovos acordouse manter os prezos da pasada semana: as categorías XL e S quedaron en 1,55 e 1,06 euros a ducia, respectivamente, mentres que a L quedou nos 1,36 € e a ducia dos de clase M en 1,25 €.

Nos coellos, non houbo cotización. En Madrid, onde se marcan os prezos para Galicia, os prezos caeron un 0,10% ata os 1,60 €/kilo.

O porco cebado mantense estable e soben os leitóns

A mesa de prezos acordou hoxe manter as cotizacións da semana pasada: 0,895 euros por kilo en selecto e 0,870 en categoría normal, mentres que o canal II quedou en 1,130.

En Alemaña, o referente europeo para os prezos do porcino, os prezos mantivéronse sen cambios en 1,25 euros o kilo.

En canto aos leitóns acordouse unha semana máis subir os prezos, desta vez un 2%. Deste xeito quedaron nos 30 euros os procedentes de varias explotacións e nos 35 euros os procedentes dunha única explotación.

As cotizacións de porcino cebado quedaron do seguinte xeito:

COTIZACIONS_porcino_SILLEDA_15_12_15

Por outra banda, o mercado do martes 22 de decembro adiántase ao luns 21, manténdose o resto nos días e horarios habituais.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información