Axudas para a transformación de produtos agrarios

Administración convocante: Consellería do Medio Rural

Enlace axuda: http://www.xunta.es/dog/Publicados/2015/20151229/AnuncioG0426-221215-0001_gl.html

Prazo: Ata 28/01/2016

Resumo:

A Consellería do Medio Rural vén de convocar axudas para a comercialización e transformación de produtos agrarios con cargo ó Plan de Desenvolvemento Rural 2014-2020. Os proxectos subvencionables deben cumprir unha serie de requisitos, como o de sumar un investimento total superior a 30.000 euros. Serán gastos subvencionables, entre outros, os seguintes:

– Construción, adquisición e mellora de bens inmobles. A compra de terreos ata un valor inferior ao 10 % do total dos gastos subvencionables.

– Compra de maquinaria e equipamentos novos, ata o seu valor de mercado.

– Adquisición ou desenvolvemento de programas informáticos así como adquisicións de patentes, licenzas, dereitos de autor e marcas rexistradas relacionadas cos procesos produtivos.

As porcentaxes máximas de axuda serán do 50 %. Os investimentos obxecto de axuda deberán ter unha execución mínima do 20% ao longo do 2016.