Autorizacións de cortas na área afectada polo nematodo do piñeiro

Medio Rural vén de abrir o periodo para a extracción de madeira da zona de corentena, no entorno do concello das Neves

Autorizacións de cortas na área afectada polo nematodo do piñeiro

As medidas de prevención polo nematodo do piñeiro mantéñense ata abril do 2016.

O nematodo do piñeiro, unha plaga moi extendida por Portugal e detectada en Galicia no 2010 no concello das Neves (Pontevedra), limítrofe co país veciño, está a obrigar desde aquela a un control das cortas na comunidade para evitar a expansión do problema. Os 20 quilómetros ubicados arredor do foco foron declarados zona tampón de corentena e só se permite a extracción de madeira nos periodos nos que se considera que existe baixo risco de transmisión da plaga. A Consellería do Medio Rural vén de autorizar agora as cortas na zona demarcada das Neves.

Na súa resolución, publicada o pasado venres no Diario Oficial de Galicia (Dog), Medio Rural sinala que autorización se basea sobre informes técnicos e científicos do foco das Neves e sobre o seguemento do voo do insecto que fai de vector para a expansión do nematodo, así como sobre as condicións meteorolóxicas do outono.

As restriccións á corta de madeira iniciáronse no 2010 nas Neves, inicialmente por un periodo de cinco anos, se ben a Consellería decidiu en abril pasado prorrogar as medidas un ano máis, ata a próxima primavera.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información