Galego
A Asociación Forestal de Galicia organiza ao longo deste mes de xullo dúas xornadas de formación en Vigo o día 11 e en Ponteareas o 18 de xullo sobre “Xestión de Comunidades de Monte Veciñais en Man Común”.
Estas accións están organizadas pola AFG e contan co financiamento da Axencia da Industria Forestal da Xunta de Galicia. A participación nestas accións formativas é gratuíta.
A actividade vai dirixida ás persoas que compoñen as Xuntas Reitoras de Comunidades de Montes, técnicos e comuneiros e comuneiras en xeral.
Aínda que a inscrición é gratuíta, é necesario que se inscriban de cara a preparar a documentación que se lle entregará aos asistentes (manuais), e para poder respectar as limitacións de aforo que están en vigor na actualidade. A inscripción pode realizarse nos teléfonos 986 660 864 e 618 752 220 ou no enderezo electrónico afgxinzo@asociacionforestal.org
Hora e lugar das actividades:
-Vigo: sábado 11 de xullo ás 10:00 horas na AVCD San Xurxo de Saiáns.
-Ponteareas: sábado, 18 de xullo ás 10:00 horas no Centro Cultural Xinzo.
