A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

“Arc™ farm intelligence”, de FMC, gañador do premio á Mellor innovación en tecnoloxía agrícola dixital

Nos prestixiosos premios Crop Science Forum & Awards

“Arc™ farm intelligence”, de FMC, gañador do premio á Mellor innovación en tecnoloxía agrícola dixital

FMC foi galardoada, un ano máis nos premios Crop Science Forum & Awards, na categoría de Mellor Innovación en Tecnoloxía Agrícola Dixital, que recoñece a plataforma Arc™ farm intelligence, unha aplicación móbil patentada por FMC, que axuda aos agricultores a comprender e xestionar mellor a presión das pragas, como a mellor aplicación dentro da innovación en tecnoloxía agrícola dixital.

A innovadora plataforma ofrece un conxunto completo de funcións, incluídas alertas personalizadas a través dunha aplicación móbil, que indica cando é necesario realizar aplicacións no campo. A aplicación permite a comunicación bidireccional cos técnicos de FMC, proporcionando datos fiables e gráficos xunto cunha análise de alta calidade, incluíndo detalles a nivel de trampa que permiten entender mellor a presión local das pragas.

Arc™ farm intelligence ofrece información a tempo real aos agricultores para que poidan tomar decisións sobre a xestión de pragas. Deste xeito, permite aos agricultores realizar aplicacións no momento e lugar adecuados, para facer fronte á presión das pragas de forma máis eficiente e sustentable, axudando tamén a atrasar os problemas na aparición de resistencias. Ademais, os usuarios teñen acceso a mapas rexionais, e a modelos predictivos que proporcionan visibilidade sobre a presión das pragas durante o ciclo do cultivo.

“Este premio é un claro exemplo do moito que a industria valora a tecnoloxía que FMC está a achegar aos agricultores de todo o mundo. Arc™ farm intelligence de FMC é unha ferramenta incriblemente poderosa para axudar aos agricultores a tomar decisións que protexan as súas colleitas contra o ataque de diversas pragas”, destaca Brian Angeli, vicepresidente de estratexia corporativa e agricultura de precisión de FMC.

!Este premio -engade- aléntanos a continuar traballando na visión de dar unha importancia prioritaria a achegar solucións que permitan aos agricultores facer fronte aos principais problemas presentes no campo, mediante produtos, ferramentas, servizos e recursos”.

fmc Gráfico_pegado-1

Máis Información: www.fmcagro.es

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información