A Xunta acordou ampliar en 3,75 millóns de euros a partida económica para axudas dirixidas a tratamentos silvícolas. O aumento débese ó volume de solicitudes que suscitou a convocatoria de axudas. A liña de subvencións para tratamentos silvícolas oriéntase a financiar rozas, podas e clareos.
Dos 3,75 millóns en que aumenta o orzamento das axudas, 750.000 euros corresponden á anualidade 2017 e os outros 3 millóns de euros á anualidade 2018. A ampliación das axudas non implica un aumento do periodo de solicitude.