Agroseguro indemniza con 31,7 millóns a agricultores e gandeiros de Galicia en 2024

Agroseguro compensou aos agricultores e gandeiros asegurados en Galicia cun total de 31,7 millóns de euros polos sinistros ocorridos en 2024, o que representa un incremento do 16% respecto ao ano anterior e a cifra máis alta dos últimos anos.

Os agricultores da provincia de Lugo recibiron 14,8 millóns de euros en indemnizacións (+15%), mentres que na Coruña foron 11,2 millóns (+17%), en Pontevedra 3,8 millóns (+22%) e, por último, Ourense con 2,4 millóns (+14%).

Con respecto á liña de seguro que cobre os accidentes e enfermidades do gando, as indemnizacións soben ata os 16,2 millóns, un 20% máis que en 2023. Por outra banda, a liña que cobre o gasto que supón a retirada e destrución de animais mortos chegou aos 14 millóns.

Os sinistros en seguros agrícolas e forestais aumentaron un 82% en 2024, alcanzando 1,46 millóns de euros, cun forte impacto do furacán Kirk en outubro, que afectou máis de 9.000 hectáreas de millo forraxeiro e xerou case un millón de euros en indemnizacións. Outros sectores afectados foron algúns como viñedo, planta viva, hortalizas ou forestais.

A nivel nacional, a sinistralidade ascendeu a 712 millóns de euros, superando por cuarto ano consecutivo os 700 millóns, reflectindo o impacto do cambio climático no sector agropecuario.

Agroseguro abonou as cifras máis elevadas nos seus 44 anos de historia, con máis de 140 millóns de euros en indemnizacións en Galicia entre 2020 e 2024.