Acruga subasta este martes 19 cinco xovencas en Becerreá

O prezo de saída dos animais sitúase en 1.800 euros. Esta poxa é a segunda da tempada, tras a celebrada no Valadouro

Acruga subasta este martes 19 cinco xovencas en Becerreá

Poxa celebrada hai un ano en Becerreá. / Arquivo.

O mercado gandeiro de Becerreá acollerá por séptimo ano consecutivo unha das poxas da Asociación de Criadores de Rubia Galega (Acruga). Será este martes 19 a partir das 13 horas. No evento subastaranse cinco xovencas de entre 17 e 23 meses que están preñadas de 4 a 8 meses. Tódolos exemplares proceden da granxa Gayoso Castro, ligada á Deputación de Lugo.

O prezo de saída será de 1.800 euros, existindo unha axuda á compra de 200 euros por animal concedida por Caixa Rural Galega. Acruga espera lograr boas cotizacións, xa que esta subasta adoita congregar a un gran número de compradores, ao ser unha das vilas de cabeceira da montaña lucense.

A poxa de Becerreá viña sendo nos últimos anos a de apertura da tempada de subastas de Acruga, aínda que este ano celebrouse con anterioridade a poxa do Valadouro, un concello da Mariña lucense que acolleu por primeira vez unha das citas do calendario de Acruga.

En Becerreá hai actualmente 44 ganderías de rubia galega e un total de 780 cabezas de gando. Os gandeiros interesados en presentar ofertas por algún dos animais poderán retirar tarxetas no mesmo mercado gandeiro a partir das 12 horas do mediodía.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información