Aberto prazo do programa de Agrobank para apoiar as startups do sector agroalimentario

CaixaBank lanzou ‘AgroBank Tech Digital INNovation’, un programa de aceleración de startups para o sector agroalimentario. Con esta iniciativa, a entidade sitúase como o principal referente das startups que ofrecen ao sector solucións tecnolóxicas (dixitalización e innovación).

O programa está deseñado e desenvolvido conxuntamente con Innsomnia, unha das aceleradoras máis importantes de España, dentro dunha vertical especializada en Agrotech.

A iniciativa forma parte de AgroBank Tech, o ecosistema de innovación e dixitalización creado por AgroBank, mostra da aposta da entidade por contribuír á transformación do sector.

A primeira convocatoria global de ‘AgroBank Tech Digital INNovation’ xa comezou e estenderase ata o 15 de xaneiro de 2023. A partir desa data iniciarase o proceso de selección de startups, no que se avaliarán os proxectos presentados e elixiranse os mellores. As startups interesadas en participar na open call de ‘AgroBank Tech Digital INNovation’ poden inscribirse na seguinte web: www.innsomnia.es