A Xunta proxecta un polígono de 94 hectáreas en Riós para cultivo de castiñeiros

A Xunta proxecta un polígono de 94 hectáreas en Riós para cultivo de castiñeiros

Alejandro Sánchez de Dios durante a reunión cos veciños de Riós

A Xunta anima aos veciños do concello ourensán de Riós a apostar pola implementación dun polígono agroforestal orientado á plantación de castiñeiros no lugar de Pousada, ao abeiro da Lei de recuperación da terra agraria de Galicia. Así, o subdirector de Mobilidade de Terras, Alejandro Sánchez de Dios, e técnicos da Axencia Galega de Desenvolvemento Rural veñen de manter un encontro con parte dos 200 propietarios que estarían implicados no proxecto, que abranguería un total de 94 hectáreas distribuídas en 663 parcelas.

Na xuntanza, o subdirector lembrou que os polígonos agroforestais son un dos principais instrumentos contemplados na nova norma para recuperar, neste caso, grandes superficies de terreo. Así, xunto coas aldeas modelo ou as agrupacións de xestión conxunta, trátase dunha ferramenta concibida para crear nova actividade económica no rural, contribuíndo á xeración de riqueza e á fixación de poboación, ao tempo que se avanza na anticipación aos incendios forestais, ao exercer esta actividade de devasa natural fronte ao lume.

Tras o encontro informativo, agora procederase á recollida de sinaturas requirida para a posta en marcha deste polígono agroforestal en Riós. Ao tratarse dun instrumento voluntario, seguirá adiante se conta co apoio dun grupo de propietarios que posúan en conxunto, cando menos, o 70 % do perímetro afectado. De aprobarse, seguidamente procederase a acondicionar a zona para proceder posteriormente á posta en marcha da actividade económica escollida.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información