A OPL recomenda mirar a calidade do leite á hora da compra

A OPL recomenda mirar a calidade do leite á hora da compra

A OPL pide que o consumidor non só mire o prezo, senón tamén a calidade

A Organización de Productores de Leche (OPL) recomenda á Organización de Consumidores FACUA, en canto ao estudo de prezos de leites e derivados lácteos de distintas marcas e establecementos que publicou esta semana, que a parte do prezo, deberían de controlar tamén a calidade dos produtos e as condicións e formas de elaboralos, para asegurar a máxima calidade para o consumidor.

José Alberto Martín, directivo da OPL en Castela e León, incide en que os produtores son tamén consumidores, “por iso, todos deberiamos primar máis a calidade dos produtos que consumimos, antes que o prezo, á hora de compralos”. O directivo explica que “se un gandeiro non percibe un prezo xusto polo leite que produce, non poderá investir en melloras na súa granxa, non poderá aumentar o benestar dos seus animais, non poderá mellorar a hixiene das súas cortes, tampouco mellorará o mantemento da súa maquinaria e das súas instalacións e por tanto non conseguirá un mellor manexo do gando nin producir con menos estrés e mellor calidade de vida. Todo iso repercutirá, por tanto e moito, na calidade da produción”.

Pide que se informe aos consumidores dos queixos fabricados con leite en po

Desde a OPL subliñan que a calidade esixida desde a industria é a máxima, con recollida de mostras cada día que sae o leite da granxa, pero que a día de hoxe non se ve reflectida no prezo que perciben os gandeiros por litro producido.

“As organizacións de consumidores terían que esixir máis calidade dos produtos á industria e distribución e maiores controis, para que o consumidor teña a certeza que o que consume son produtos de calidade e que non se lles engane nas etiquetaxes ou na calidade que lle corresponda a cada produto”, insiste Martín.

Neste sentido, lembra que “agora que a fabricación de queixos con leite en po pode ser legal, debería especificarse correctamente na etiquetaxe para non enganar ao consumidor”.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información