A agricultura ecolóxica segue medrando en 2015

Segundo os datos do CRAEGA, nos tres primeiros meses do ano a superficie inscrita en Galicia aumentou nun 6,59% e o número de operadores nun 4,13%

Publicidade
A agricultura ecolóxica segue medrando en 2015

O presidente do Consello Regulador da Agricultura Ecolóxica de Galicia (CRAEGA), José Antonio Fernández, presentou onte en Monforte de Lemos os datos de evolución de número de operadores, superficie e volume de produto certificado ecolóxico en Galicia durante 2015, sector que segue unha evolución que é crecente, malia as baixas puntuais.

Javier García Lozano, secretario do CRAEGA, explicou que os produtos que máis medran na certificación ecolóxica son leite e derivados, carne e produción avícola, conservas, peixe e pensos para alimentación animal.

En concreto, no primeiro cuadrimestre de 2015, a superficie medrou pasando a ter inscritas 16.236,75 hectáreas en Galicia, o que supón un crecemento da superficie dun 6,59% en catro meses. “Esto é debido, en parte, ás novas axudas para a agricultura ecolóxica, que puxo en marcha a Consellería do Medio Rural no mes de marzo deste ano”, explicou José Antonio Fernández.

SUPERFICIE 30/4/15 SUPERFICIE 2014 % VARIACIÓN
A CORUÑA 1.257,36 1.112,00 13,07%
LUGO 6.959,30 7.090,92 -1,86%
OURENSE 6.961,94 6.016,86 15,71%
PONTEVEDRA 1.058,15 1.013,32 4,42%
TOTAL GALICIA 16.236,75 15.233,10 6,59%

Medra un 4,15% o número de produtores inscritos no CRAEGA

En cantos aos operadores, segundo ven de facer público o CRAEGA, no primeiro cuadrimestre de 2015 o número de operadores medrou un 4,13% respecto do ano 2014, sendo esta porcentaxe dun 4,03% nas industrias, e un 4,15% dos produtores.

Deste xeito, as últimas cifras indican que hai un total de 732 operadores rexistrados en agricultura ecolóxica en Galicia, dos que 577 son produtores e 155 elaboradores.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información