Calendario de cursos para o carné de produtos fitosanitarios

Medio Rural inicia a próxima semana os primeiros 12 cursos propios para sacar o carné básico, se ben a maioría xa teñen as prazas completas. As entidades colaboradoras agardan a que a Xunta abra a convocatoria para solicitar a impartición das actividades formativas

Publicidade
Publicidade
Calendario de cursos para o carné de produtos fitosanitarios

A compra e aplicación de fitosanitarios profesionais obriga a dispoñer do carné.

Desde o pasado 25 de novembro, para comprar e aplicar pesticidas profesionais é preciso contar cun carné de manipulador de produtos fitosanitarios. A nova esixencia obriga ós produtores que non dispoñan do carné a sacalo á maior brevidade, se ben este ano os cursos de formación estanse retrasando máis do agardado polo sector. A Consellería do Medio Rural inicia para a próxima semana unha ducia de cursos para o carné básico de aplicación de fitosanitarios, así como outros 2 para o nivel cualificado. Pódense consultar todos no buscador de cursos de formación continua da Consellería do Medio Rural.

A Xunta tamén programou formación para a renovación dos carnés existentes. O total dos cursos previsto para febreiro ronda a trintena, pero quédanse moi curtos para toda a demanda que hai no agro. A solución terá que vir da man de máis cursos propios da Administración ó longo do inverno e da primavera, así como dos cursos que oferten as entidadades colaboradoras, arredor dunhas 60 acreditadas en Galicia, entre organizacións agrarias, asociacións, cooperativas e empresas.

As entidades colaboradoras da Administración en actividades formativas agardaban que Medio Rural publicase a finais de xaneiro a convocatoria para optar a impartir os cursos de fitosanitarios, pero esa convocatoria aínda se está facendo agardar, polo que a día de hoxe descoñecen cando poderán comezar a ofertar os cursos.

Amosamos embaixo os cursos que xa ten convocados a Xunta para febreiro. Na maioría, as prazas están completas.

Cursos do nivel básico en febreiro.

Cursos do nivel básico en febreiro.

2 ideas sobre “Calendario de cursos para o carné de produtos fitosanitarios

  1. xavier perez correa

    Moi boas son da zona de Tui Pontevedra i polo meu travallo non teño tempo para facer o curso de fitosanitarios presencial i pareceme unha loucura ter ke ir aoutra comunidade algen me pode ddecir si en pontevedra hacia vigo ou o baixo miño si hai algunha academia autorizada para sacalo online.
    moitas grazas e un saudo XAVI.

    Contestar

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información