A compañía Vegalsa-Eroski decidiu subir luns dous céntimos o prezo do leite das súas cadeas de supermercados Eroski Center, Eroski City e Familia e dirixiuse aos seus provedores para que repercutan este incremento aos gandeiros galegos.
A través dunha nota de prensa, a compañía explica que esta decisión da dirección xeral prodúcese por “a necesidade de apoiar o esforzo das administracións públicas e da interprofesional láctea en alcanzar un marco estable e sustentable para o sector”.
Vegalsa-Eroski informa de que trasladou esta esta decisión ao goberno da Xunta, así como aos representantes do sector e ás súas industrias lácteas provedoras.
¿É suficiente esta suba e hai garantías de que chegue ao gandeiro? Principais incógnitas
Ademais, Vegalsa-Eroski lembra que o seu obxectivo é ofrecer a mellor relación calidade-prezo aos seus clientes, polo que “só mediante a eficiencia o mercado alcanzará prezos satisfactorios para toda a cadea de valor, e realistas, nun marco de liberdade de mercado e imposibilidade de fixar prezos prohibidos pola CNMC”.
Neste sentido, a cadea de distribución defende o diálogo como “única maneira de propoñer solucións realistas, nun marco de liberdade de mercado e imposibilidade de fixar prezos prohibidos pola CNMC”.
Vegalsa Eroski súmase así a Mercadona, que hoxe mesmo tamén anunciou unha subida idéntica de 2 céntimos. Quedan por ver as garantías para que a industria repercuta esta subida integramente nos gandeiros e se é suficiente para garantir un prezo sustentable para os explotacións lácteas, cuxos custos de produción sitúanse en 34 céntimos por litro de leite e que con esta subida o prezo medio do leite en orixe en Galicia, tomando a referencia de xullo, chegaría aos 29,5 céntimos por litro.
[Máis información] – Mercadona, Celta e Clas, dispostas a subas no prezo do leite